ٹرانسپیرنسی انٹرنیشنل پاکستان کے مطابق کے الیکٹرک کراچی کے صارفین سے دھوکہ دہی سے 35 روپے فی یونٹ چارج کرنے کے عمل کو ناقابل برداشت ہے انیس قائم خانی

September 3, 2022

 

*مؤرخہ: 3 ستمبر، 2022*

(پریس ریلیز)

پاک سر زمین پارٹی کے صدر انیس قائم خانی نے کہا کہ ٹرانسپیرنسی انٹرنیشنل پاکستان کے مطابق کے الیکٹرک کراچی کے صارفین سے دھوکہ دہی سے 35 روپے فی یونٹ چارج کرنے کے عمل کو ناقابل برداشت قرار دیتے ہوئے کہا کہ K الیکٹرک غربت کی چکی میں پسی ہوئی عوام سے اووربلنگ اور زائد فیول ایڈجسمںنٹ کی مد میں ناجائز آمدنی کے زریعے ملک کو خانہ جنگی کی جانب دھکیل رہی ہے۔طویل لوڈ شیڈنگ اور زائد بلنگ کی وجہ سے جہاں ایک جانب کراچی کے کارخانے بند اور کاروبار تباہ ہوگئے ہیں وہیں بدترین غربت اور مہنگائی کی وجہ سے لوگ بچوں سمیت خودکشیوں پر مجبور ہو چکے ہیں لیکن حکمرانوں کے کان پہ جوں تک نہیں رینگ رہی۔ انہوں نے مزید کہا کہ حکومت جب تک کے الیکٹرک کا لائسنس منسوخ کرکہ متعدد کمپنیوں کو بجلی بنانے اور ترسیل کے لائسنس جاری نہیں کرتی تب تک پاکستان کو 66 فیصد ریونیو دینے والا شہر کراچی پر سے خانہ جنگی کی تلوار لٹکتی رہے گی۔ حکومت ٹرانسپیرنسی انٹرنیشنل کی رپورٹ پر کے الیکٹرک کے خلاف فوری کارروائی کرئے۔