سود الله اور اسکے رسول محمد ﷺ سے کھلی جنگ ہے، مصطفی کمال

June 29, 2022

 

*مورخہ 29 جون 2022*

(پریس ریلیز)

پاک سرزمین پارٹی کے چیئرمین سید مصطفیٰ کمال نے کہا ہے کہ سود الله اور اسکے رسول محمد ﷺ سے کھلی جنگ ہے، ظالم حکمران کشمیر ہڑپ کرنے پر بھارت سے تو جنگ لڑ نہیں سکتے لیکن رب العالمین اور اس کے محبوب محمد ﷺ سے جنگ کیے جارہے ہیں۔ حکمرانوں کو تننیہ کررہا ہوں کہ جتنا مرضی پیسہ باہر سے لیکر آجائیں، معیشت ٹھیک نہیں ہوگی بلکہ سب کچھ تباہ ہو جائے گا! پی ایس پی شرعی عدالت کے فیصلے کے ساتھ کھڑی ہے۔ حکمرانوں کو چاہیے تھا کہ اس ملک کو سودی نظام سے نجات دلائیں، مگر کچھ بدبخت اس سودی نظام کو بچانے کیلئے شرعی عدالت کے فیصلے کے خلاف سپریم کورٹ میں جارہے ہیں۔ پاک سرزمین پارٹی اس عمل کی ناصرف سخت مزمت کرتی ہے بلکہ متعلقہ بینکوں سے مطالبہ کرتی ہے کہ فوری طور پر اپنے فیصلے پر فی الفور نظرِ ثانی کریں۔ ان خیالات کا اظہار انہوں نے پاکستان ہاؤس میں علماء رابطہ کونسل کے اجلاس سے خطاب کرتے ہوئے کیا۔ سید مصطفیٰ کمال نے مزید کہا کہ فیصلہ دیر سے ضرور آیا لیکن بلکل درست ہے کیونکہ اسلامی جمہوریہ پاکستان میں سود کا رائج نظام اسلام کے بنیادی عقائد کی ناصرف کھلی خلاف ورزی ہے بلکہ الله کے قہر کو آواز دینے کے مترادف ہے۔