چئیر مین پی ایس پی مصطفیٰ کمال اور وائس چیئرمین عطاء الله کرد کا بلوچستان کے مختلف اضلاع میں زلزلے میں قیمتی جانی و مالی کے نقصانات پر گہرے دکھ اور افسوس کا اظہار
October 7, 2021
*مورخہ: 7 اکتوبر 2021*
(پریس ریلیز)
چئیر مین پاک سر زمین پارٹی سید مصطفیٰ کمال اور وائس چیئرمین عطاء الله کرد نے بلوچستان کے مختلف اضلاع میں زلزلے میں قیمتی جانی و مالی کے نقصانات پر گہرے دکھ اور افسوس کا اظہار کرتے ہوئے وفاقی اور صوبائی حکومتوں سے مطالبہ کیا ہے کہ وہ زلزلہ متاثرین اور خصوصاً کوئلے کی کان میں پھنسے کان کنوں کو فوری ریسکیو اور ریلیف پہنچانے کے لئے بھرپور اقدامات کریں۔ پاک سر زمین پارٹی اس مشکل کی گھڑی میں بلوچستان کے عوام کیساتھ کھڑی ہے، ہم غم زدہ خاندانوں کے غم میں برابر کے شریک ہیں۔ ان خیالات کا اظہار چئیر مین پاک سر زمین پارٹی سید مصطفیٰ کمال نے پاکستان ہاؤس سے جاری ایک بیان میں کیا۔ انہوں نے مزید کہا کہ بلوچستان زلزلے کی تباہ کاریوں پر پوری قوم افسردہ ہے۔ انہوں نے وفاقی اور صوبائی حکومتوں سے مطالبہ کیا کہ وہ ناصرف زخمیوں کے لیے بہترین علاج معالجے کی سہولیات کو یقینی بنایا جائے اور بے گھر خاندانوں کی بھرپور مالی معاونت کی جائے۔ چئیر مین پاک سر زمین پارٹی سید مصطفیٰ کمال اور وائس چیئرمین عطاء الله کرد نے زلزلے میں جاں بحق ہونے والے افراد کی مغفرت و درجات کی بلندی سمیت زخمی ہونے والے سینکڑوں افراد کی جلد صحتیابی کے لیے دعا بھی کی۔