این اے 249 کے مسائل اور انکے حل کو ہم سے بہتر کوئی نہیں جانتا، مصطفی کمال
March 30, 2021
مورخہ،30 مارچ،2021
(پریس ریلیز)
پاک سر زمین پارٹی کے چیئرمین سید مصطفی کمال نے کہا کہ این اے 249 کے مسائل اور انکے حل کو ہم سے بہتر کوئی نہیں جانتا، تمام سیاسی جماعتوں نے مکمل طور پر نظرِ انداز کیا ہے، عوام نے پی ایس پی پر اعتماد کیا تو ان کو انشاء اللہ مایوس نہیں کریں گے۔ ان خیالات کا اظہار انہوں نے مرکزی الیکشن آفس این اے 249 میں پی ٹی آئی الیکشن کیمپئین انچارج حاجی ملک اشرف، ملک شجاعت، ملک اعجاز، اسلم صاحب ، عبدالرحمٰن
تحریک انصاف اور ق لیگ کی کمیٹی کے ہمراہ چئیر مین پاک سرزمین پارٹی سید مصطفیٰ کمال اور صدر انیس قائم خانی سے ملاقات اورپی ایس پی شمولیت کا اختیار، یوسی 30، وانڈا برادری کے حاجی زر خان اور حاجی عالم خان، بلدیہ ٹاؤن، مہاجر کیمپ، 02 نمبر پر متحد مسلم کچھی کمہار جماعت کے معززین،بلدیہ ٹاؤن، 04 نمبر، یوسی 34 میں گھانچی برادری، بلدیہ ٹاؤن، یوسی 30، 24 نمبر پر مختلف برادریوں سے ملاقاتیں اور بلدیہ ٹاؤن، سیکٹر 21/A میں کشمیری برادری کے اجتماعات سے خطاب کرتے ہوئے کیا۔ انہوں نے کہا کہ بلدیہ ٹاؤن کے علاقے میں آخری بار پانی اور دیگر سہولیات میرے دور نظامت میں ملیں۔ میں نے اسٹیڈیم اور بس ٹرمینل، درجنوں پارکس بنا کر دیئے۔ لیکن افسوس سب کچھ تباہ کردیاگیا۔ میرا کردار سب کے سامنے ہے، کرپشن نہیں کی اور نہ کوئی انڈسٹری لگائی ہے۔ عوام کی خدمت میرا روزگار نہیں ہے۔ کراچی کے مسائل کراچی والا ہی سمجھ سکتا ہےانہوں نے مزید کہا کہ ہم نے گزشتہ پانچ سال میں ایک بھی یو ٹرن نہیں لیا۔ لوگ ہمارے کردار اور قابلیت کی وجہ سے ہمارے ساتھ جڑ رہے ہیں۔ چالیس سالوں سے جاری بندوق اور گولی کی سیاست کو پی ایس پی نے پھولوں سے ختم کردیا ہے، یہ حالیہ انسانی تاریخ کا معجزہ ہے۔