مصطفی کمال کا پاکستان سمیت دنیا بھر میں مقیم ہندو برادری کو انکے مذہبی تہوار ہولی کی مبارکباد
March 28, 2021
مورخہ 28 مارچ 2021
(پریس ریلیز،)
پاک سر زمین پارٹی کے چیئرمین سید مصطفی کمال نے پاکستان سمیت دنیا بھر میں مقیم ہندو برادری کو انکے مذہبی تہوار ہولی کی مبارکباد پیش کی ہے۔ پاکستان ہاؤس سے جاری ایک تہنیتی پیغام میں انہوں نے کہا کہ ہولی امن و محبت اور خوشیوں کا تہوار ہے، پاک سر زمین پارٹی تمام مذاہب کا ناصرف احترام کرتی ہے بلکہ معاشرے میں زبان نسل، مذہب اور فرقے کی تفریق سے بالاتر ہوکر انسانیت کی خدمت پر یقین رکھتی ہے۔ ملک میں بالخصوص اور دنیا میں بالعموم ایک دوسرے کے مزہبی تہواروں کے احترام سے احترام انسانیت کو فروغ دیا جاسکتا ہے۔ انہوں نے ہندو برادری سے اپیل کی کہ وہ ہولی کے موقع پر جہاں ہولی کی خوشیاں منا رہے ہیں وہاں ہندو برادری کے غریب ترین طبقے کا بھی خاص خیال رکھیں اور اپنی عبادات میں ملک میں امن وامان کے قیام، مذہبی رواداری کے فروغ اور پی ایس پی کی کامیابی کیلئے خصوصی دعا کریں۔