پی ایس پی 19 مارچ 2021 کو ایوب گراؤنڈ میں تاریخی جلسہ منقعد کرے گی ، پی ایس پی رہنما
March 18, 2021
مورخہ 18 مارچ 2021
(پریس ریلیز)
پاک سر زمین پارٹی کے مرکزی رہنماؤں سنئیر وائس چیئرمین اشفاق منگی، وائس چیئرمینز شبیر قائم خانی، ارشد وہرا، عطا اللہ کرد ،مرکزی سیکرٹری اطلاعات آسیہ اسحاق اور سینیئر نائب صدر بلوچستان لیاقت علی آغا پریس کانفرنس کرتے ہوئے کہا کہ پی ایس پی 19 مارچ 2021 کو ایوب گراؤنڈ میں تاریخی جلسہ منقعد کرے گی ہم بلوچستان کی عوام سے اپیل کرتے ہیں کہ عوام پاک سرزمین پارٹی کے جلسے میں ذیادہ سے ذیادہ تعداد میں شرکت کریں انہوں نے کہا کہ پی ایس پی بلوچستان سے پورے پاکستان کا مقدمہ لڑیں گے کیونکہ مصطفی کمال عام لوگوں کی زندگی میں تبدیلی لانے کیلئے جدوجہد کررہے ہیں، پاکستان کو مضبوط بنانے کیلئے تمام صوبوں کیلئے آواز بلند کرینگے، ان خیالات کا اظہار انہوں نے پی ایس پی کی جانب سے کوئٹہ پریس کلب میں صحافیوں کے اعزاز میں عصرانہ کے موقع پر گفتگو کرتے کیا انہوں نے کہاکہ قوم متحد ہو تو کوئی سیاسی جماعت عوام کا پیسہ چوری نہیں کریں گی،عوام متحد ہو گی تو سیاسی جماعتوں کو عوامی احتساب کا ڈر ہوگا،سید مصطفیٰ کمال کا پیغام ملک کے طول و عرض میں تیزی سے پھیل رہا ہے،سید مصطفیٰ کمال نے کراچی کو ترقی کرنے والے شہروں میں شامل کر دیا۔انہوں نے کہا کہ عوام کو کبھی روٹی، کپڑا اور مکان کا نعرہ دیا تو کبھی تبدیلی کااس پر کسی نے عمل نہیں کیا۔انہوں نے کہا کہ سید مصطفیٰ کمال کراچی میں تب آئے جب روزانہ اوسطاً 20 لوگ ناحق مارے جاتے تھے،کراچی میں لسانیت کی بنیاد پر قتل و غارتگری ہوتی تھی۔انہوں نے کہا کہ سید مصطفیٰ کمال نے الآصف اسکوائر میں پختونوں کی تاریخ کا سب سے بڑا جلسہ کر کے دکھایا،عوام اب لسانیت سے نکل کر ترقی کی راہ پر گامزن ہونا چاہتے ہیں،اب کراچی میں کوئی نو گو ایریا نہیں،سید مصطفیٰ کمال نے باطل کو للکار کر کلمے کی بنیاد پر مختلف قومیتوں کو متحد کیا۔انہوں نے کہاکہ بلوچستان پاکستان کا سب سے بڑا صوبہ ہے،جلسے کا مقصد عوام میں شعور بیدار کرنا ہے کیونکہ ہماری نیت انسانیت کی خدمت کرنے کی ہے۔انہوں نے کہا کہ 5 سال پہلے 2 لوگ آئے تھے آج ہزاروں لوگ کوئٹہ میں استقبال کر رہے تھے۔انہوں نے کہاکہ پی ٹی آئی نے 3 سالوں میں بلوچستان کی عوام کو مایوس کیا۔انہوں نے کہاکہ بلوچستان کی عوام نے تمام سیاسی جماعتوں کو آزما لیا اور اب بلوچستان کی عوام سید مصطفی کمال کی جانب دیکھ رہے ہیں،آنے والا وقت پاک سرزمین پارٹی کا ہے۔