کراچی سے کشمیر اور گلگت بلتستان تک غربت اور مہنگائی سے عاجز عوام حکومت اور اپوزیشن سے ناامید ہوچکی ہے اور پاک سر زمین پارٹی کی محنتی، ایماندار اور قابل قیادت کی جانب دیکھ رہی ہے، مصطفی کمال
February 23, 2021
مورخہ 23 فروری 2021
(پریس ریلیز)
پاک سر زمین پارٹی کے چیئرمین سید مصطفیٰ کمال نے کہا کہ کراچی سے کشمیر اور گلگت بلتستان تک غربت اور مہنگائی سے عاجز عوام حکومت اور اپوزیشن سے ناامید ہوچکی ہے اور پاک سر زمین پارٹی کی محنتی، ایماندار اور قابل قیادت کی جانب دیکھ رہی ہے، قوم جان گئی ہے کہ جنہوں نے 300 ارب روپے میں سے تین روپے کی چوری نہیں کی اور پاکستان کی معاشی شہ رگ کو دنیا کے 12 تیزی سے ترقی کتنے والے شہریوں میں تبدیل کردیا، صرف وہی پاکستان کی ترقی کو یقینی بنا سکتے ہیں۔ پاکستان کی معاشی شہ رگ کراچی کے تمام مسائل اور پاکستان کے 95 فیصد عوامی مسائل کا حل صرف پی ایس پی کے پیش کردہ چھ نکات میں موجود ہے۔ حکمران جتنی دیر سے ہمارے پیش کردہ حل پر عمل درآمد کریں گے، اتنا ہی زیادہ نقصان پاکستان کو پہنچے گا۔سب سے پہلے اٹھارویں ترمیم میں ملنے والے اختیارات وزراء اعلیٰ ہاؤس سے نکال کر نچلی ترین سطح تک منتقل کیے جائیں۔ دوسرا این ایف سی ایوارڈ کی طرز پر پی ایف سی ایوارڈ کا اجراء یقینی اور لازم بنایا جائے۔ تیسرا یہ کہ پاکستان کی معاشی شہہ رگ کراچی کی مردم شُماری ٹھیک کرائی جائے اور اسی تناسب سے قومی اور صوبائی اسمبلیوں کی نشستیں بڑھائی جائیں اس میں ہر پاکستانی کا فائدہ ہے۔ چوتھی بات یہ کہ کراچی کو 7 ڈسٹرکٹس کے بجائے ایک ڈسٹرکٹ کی صورت میں بحال کیا جائے۔ پانچویں بات یہ کہ کراچی ماسٹر پلان ڈپارٹمنٹ کو تمام اختیارات واپس کر کے سندھ بلڈنگ کنٹرول اتھارٹی سے علیحدہ کر کے بحال کیا جائےاور آخر میں کراچی میں کے پی ٹی کنٹونمنٹ سمیت تمام 18 ایجنسیوں کے بلدیاتی امور میئر کے دفتر کو دیئے جائیں جبکہ لینڈ کا اختیار انہی ایجنسیز کے پاس رہے. ان خیالات کا اظہار انہوں نے پاکستان ہاؤس میں پختون نوجوانوں کے وفد سے گفتگو کرتے ہوئے کہی۔ انہوں نے مزید کہا کہ کراچی کو اختیارات اور وسائل ملنے کا مطلب پاکستان کی تمام قومیتوں کو اختیار اور وسائل ملنا ہے کیونکہ کراچی تمام قومیتوں کے لوگ رہتے ہیں انہوں نے کہا کہ 28 فروری کو ہونے والا پختون جلسہ ملک کی تاریخ میں ایک نیا باب رقم کرے گا۔