انیس قائم خانی کا حکومت نے بجلی کی قیمتوں میں ایک روپے 95 پیسے مہنگی کرنے پر سخت ترین الفاظ میں مزمت
January 22, 2021
مورخہ 22 جنوری 2021
(پریس ریلیز )
پاک سر زمین پارٹی کے صدر انیس قائم خانی نے حکومت نے بجلی کی قیمتوں میں ایک روپے 95 پیسے مہنگی کرنے پر سخت ترین الفاظ میں مزمت کرتے ہوئے کہا کہ معیشت کو تباہ کرنے والے اور مہنگائی اور بے روزگاری کو کنٹرول کرنے میں ناکام حکمران اپنی ناکامی اور نااہلی کا ملبہ عوام پر گرا رہے ہیں۔ اپنے ایک بیان میں انہوں نے کہا کہ تبدیلی کا نعرہ لگا کر اقتدار حاصل کرنیوالی حکومت ملک کی عوام کو ریلیف دینے کی بجائے ملک سے غریبوں کو ختم کرنے کی پالیسی پر عمل پیرا ہے، مہنگائی کے عذاب سے دوچار غریب عوام کیلیے اپنے بچوں کو دو وقت کی روٹی کھلانا بھی مشکل ہوگیا ہے۔ لگاتار بجلی، گیس اور پیٹرول کی قیمتوں میں اضافہ کرکے غریب عوام کی مشکلات میں مزید اضافہ کررہے ہیں۔ جس سے عوام میں مایوسی کی لہر دوڑ گئی ہے، انہوں نے کہا کہ پی ٹی آئی کی وفاقی حکومت قوم سے کئے گئے وعدوں کو عملی جامہ پہناتے ہوئے بجلی کی قیمتوں میں اضافے کو فوری طور پر واپس لے۔