مصطفی کمال کا بلوچستان کے ضلع ہرنائی میں قانون نافذ کرنے والے ادارے کی چیک پوسٹ پر مسلح دہشت گردوں کے بیہیمانہ حملے کے نتیجے میں 7 سیکیورٹی اہلکاروں کی شہادت پر گہرے دکھ اور افسوس کا اظہار
December 27, 2020
پریس ریلیز
مورخہ 27 دسمبر 2020
(پریس ریلیز) چئیر مین پاک سر زمین پارٹی سید مصطفی کمال نے بلوچستان کے ضلع ہرنائی میں قانون نافذ کرنے والے ادارے کی چیک پوسٹ پر مسلح دہشت گردوں کے بیہیمانہ حملے کے نتیجے میں 7 سیکیورٹی اہلکاروں کی شہادت پر گہرے دکھ اور افسوس کا اظہار کرتے ہوئے کہا کہ دہشت گردوں کے بزدلانہ حملے قوم کے حوصلے پست نہیں کرسکتے۔ پاکستان ہاؤس سے جاری بیان میں سید مصطفیٰ کمال نے کہا کہ پی ایس پی کو ملک میں دہشتگردی کے واقعات میں اچانک اضافے پر گہری تشویش ہے۔ ملک کے دفاع پہ ہمہ وقت مامور قابلِ فخر سیکورٹی فورسز کے اہلکار قیمتی جانوں کے نذرانے پیش کرکہ ملک کے دفاع میں مصروف ہیں ، انہوں نے کہا کہ پاک سر زمین پارٹی شہید اہلکاروں کے خاندانوں کے غم میں برابر کے شریک ہیں۔ سید مصطفیٰ کمال نے شہید اہلکاروں کے درجات کی بلندی اور حملے میں زخمی سیکیورٹی اہلکاروں کی جلد و مکمل صحت یابی کے لیے دعا کی ہے۔