پی ٹی آئی نے کراچی کی غلط مردم شُماری کو تسلیم کر کے کراچی دشمن اقدام کیا ہے ، ارشد وہرا
December 26, 2020
*مورخہ 26 دسمبر 2020*
(پریس ریلیز) پاک سرزمین پارٹی کے وائس چیئرمین ڈاکٹر ارشد وہرا نے کہا کہ پی ٹی آئی نے کراچی کی غلط مردم شُماری کو تسلیم کر کے کراچی دشمن اقدام کیا ہے جس پر ایم کیو ایم سیاسی مفادات کی وجہ سے کراچی والوں کو قربان کر رہی ہے جبکہ پیپلز پارٹی اپنے تعصب میں کراچی والوں کو بنیادی انسانی اور آئینی حقوق بھی دینے کے لیے تیار نہیں۔ کراچی کو اس کا جائز حق دلانے کے لیے ہر شہری کو بلا تفریق رنگ و نسل پی ایس پی کے پلیٹ فارم پر متحد ہونا ہوگا۔ کراچی کا مینڈیٹ جنہیں دیا گیا انہیں نہ کراچی کے مسائل کا علم ہے نہ عوام کی فکر۔ اگر عوام بھی اپنے مسائل سے لاتعلق رہے گی تو حالات مزید خراب ہونگے، سیاسی طور پر دانشمندی اور بختگی کا مظاہرہ کر کے ہمیں کراچی کی آواز بننا ہوگا اور یہ واضح کرنا ہوگا کہ یہ ملک کا صرف معاشی حب ہی نہیں بلکہ اب سیاسی شہہ رگ بھی ہے یہاں عوام کے لیے گئے فیصلوں کے اثرات ملک بھر میں مرتب ہونگے۔ ان خیالات کا اظہار انہوں نے یوسی 38 میں علاقہ مکینوں کی دعوت پر علاقہ عمائدین سے ملاقات کرتے ہوئے کیا۔ نیز انہوں نے ناظم آباد نمبر 3 میں واقع اماں عائشہ مسجد کی انتظامیہ اور اہل علاقہ سے بھی ملاقات کی اور انکو درپیش مسائل سنے اور پاک سرزمین پارٹی میں شمولیت کر کے عوامی مسائل کے حل کے لیے جدوجہد میں شامل ہونے کی دعوت دی۔