ملک کے شہری علاقوں میں عملاً کوئی لاک ڈاؤن نہیں ہےمصطفی کمال

May 9, 2020

پاک سر زمین پارٹی

مؤرخہ 9 مئی 2020

پاک سر زمین پارٹی کے چیئرمین سید مصطفی کمال نے کہا ہے کہ ملک کے شہری علاقوں میں عملاً کوئی لاک ڈاؤن نہیں ہے، سڑکوں پر رش کا یہ عالم ہے کہ لوگ کندھے سے کندھا ملا کر چل رہے ہیں، صرف چھوٹے تاجروں کی دکانیں بند ہیں جس سے یہ تاثر تقویت پاتا ہے کہ پاکستان کی معاشی شہ رگ کیساتھ جان بوجھ کر زیادتی کی جارہی ہے۔ حکمران پچھلے ڈھائی مہینے سےعوام کو گمراہ کر رہے کرکہ صرف اپنی سیاست چمکانے میں لگے ہوئے ہیں نتیجتاً اب تک کروڑوں لوگ بے روزگار ہوگئے۔ وزیر اعظم عمران خان خود کراچی سے منتخب ہوئے، اس شہر سے صدر، وزیراعظم، گورنر کے علاوہ 14 اراکین قومی اسمبلی اور 26 اراکین صوبائی اسمبلی ہونے کے باوجود آج تک کوئی نظر نہیں آیا۔ ان خیالات کا اظہار انہوں نے پاکستان ہاؤس کراچی میں تاجروں کے وفد سے گفتگو کرتے ہوئے کیا۔ انہوں نے مزید کہا کہ پی ایس پی عوام کی آواز ہے جسے دبانا کسی حکمران کے بس کی بات نہیں۔ کراچی کے تاجر بہت پریشان ہیں جب ٹھیکے پتھارے اور سپر اسٹورز کو کھولنے کی اج دکانوں کی اجازت دی گئی ہے تو چھوٹے دکانداروں کو بھی اجازت دی جائے کیونکہ تاجر برادری تمام ایس او پیز پر عمل درآمد کرنے کو تیار ہیں۔