ملک میں کورونا وائرس پھیلا تو کنٹرول مشکل ہوجائیگا، مصطفی کمال

April 16, 2020

چیئرمین پاک سر زمین پارٹی سید مصطفی کمال نے کہا کہ وفاقی حکومت اور صوبائی حکومتوں میں اتفاق نہ ہونے کی وجہ سے ملک میں کورونا وائرس کے حوالے سے خوف و ہراس پھیل رہا ہے اور سندھ حکومت کی کرپشن کی وجہ سے مستحق عوام راشن کے تھیلوں اور دیگر سرکاری مراعات سے محروم ہیں، وہ پارٹی آفس میں پریس کانفرنس سے خطاب کر رہے تھے، اس موقع پر پی ایس پی کے صدر انیس احمد قائم خانی،سندھ کونسل کے صدر شبیر احمد قائم خانی، ممبر سندھ کونسل عارف احمد خان، فاروق منصوری، رضی انصار، جاوید اقبال اور دیگر بھی موجود تھے،انہوں نے کہا کہ آج پوری دنیا کوروناء وائرس سے جنگ کیلئے متحد ہو چکی ہے تاہم ہمارے وزیراعظم صوبوں کے وزیر اعلی ایک پلیٹ فارم پر نہیں ہیں جس کی وجہ سے کورونا وائرس سے جنگ کرنے میں مشکلات پیش آرہی ہیں اور عوام خوف وہراس کا شکار ہیں،انہوں نے کہا کہ جو مجھے رپورٹیں موصول ہو رہی ہیں اس کے مطابق یکم مئی تک پاکستان میں اگر یہی تیزی کورنا وائر س کے پھیلنے کی رہی تو 70ہزار کیسز سامنے آجائیں گے جبکہ ہمارے ملک میں 22سو وینٹی لیٹر سے زیادہ نہیں ہیں اور ہمارے اسپتالوں میں گنجائش سے زیادہ مریض داخل ہیں ایسے میں ملک میں ہنگامی صورتحال ہو جائے گی جسے کنٹرول کرنا بڑا مشکل ہو جائے گا۔