پاک سر زمین پارٹی آج 21 جولائی کو باغ جناح گراؤنڈ میں  بھر پور طاقت کا مظاہرہ کرے گی یہ جلسہ کراچی کی حالیہ تاریخ کا سب سے بڑا جلسہ ثابت ہوگا، جس کے لئے تمام تیاریاں مکمل کرلی گئی ہیں، جلسہ کی تیاریاں عروج پر پہنچ گئیں، اس سلسلے میں باغ جناح گراؤنڈ میں 120 فٹ لمبا، 30 فٹ چوڑا اور 20 فٹ اونچا  بلند شاندار اسٹیج بنایا گیا ہے، جلسے گاہ میں ہزاروں کی تعداد میں کرسیاں لگ گئیں اور مزید ہزاروں کرسیاں لگائی جارہی ہیں.شہر  کراچی کی اہم شاہراہوں، چوراہوں، پلوں، بلند عمارتوں کو رنگ برنگیے برقی قمقموں، پی ایس پی چئیر مین مصطفی کمال، صدر انیس قائم خانی کی قد آور تصاویر اور پینا فلیکس اسکرین بورڈ سے سجایا گیا ہے،جس کے باعث پی ایس پی اور قومی پرچموں بہار دکھائی دے رہی ہیں جبکہ جلسے کے لیے شہر بھر سے باغ جناح گراؤنڈ آنے والے تمام راستوں پرکارکنان کی جانب سے استقبالیہ کیمپ قائم کئے گئے ہیں جہاں پی ایس پی کے ترانے بجائے جارہے ہیں جن کی دھنوں پر عوام و کارکنان والہانہ رقص کرکے اپنی خوشی کا اظہار کر رہی ہیں.