پاک سر زمین پارٹی کی نیشنل کونسل کے رکن عبدالله شیخ نے کراچی بھر میں پانی کے بحران کی سخت ترین الفاظ میں مذمت کی ہے  اپنے ایک بیان میں انہوں نے کہا کہ کراچی کے علاقوں میں عوام پانی کے حصول کیلیے احتجاجی مظاہرے کرنے پر مجبور ہیں لیکن اس کے باوجود انہیں پانی کی فراہمی کے بجائے ٹینکر مافیا پر ہی اکتفا کرکے اس کا حل تصور کرلینے والے احمقوں کی جنت میں رہتے ہیں ۔انہوں نے کہاکہ شہر میں ٹینکر مافیا کی چاندی ہوگئی ہے اور لوگ پانی کے ٹینکر مہنگے داموں پر خریدنے پر مجبور ہیں اور پیپلزپارٹی کی سندھ حکومت نے تعصب اورنفرت کی بنیاد پر کراچی کے شہریوں کیلیے پانی کا حصول ناممکن بنا دیا ہے انہوں کہا کہ کراچی جیسے میگا سٹی میں پانی جیسی بنیادی ضرورت کی قلت اور شہریوں کو پانی کی بوند بوند کیلیے ترسانا سراسر ظلم ہےانہوں نے کہا کہ کراچی کے مختلف علاقوں میں پانی کے بحران شہری حکومت اورکراچی واٹر اینڈ سیوریج بورڈ کی بدترین کارکردگی اور کھلے کرپشن کا نتیجہ ہے   انہوں نے وزیر اعلی سندھ دیگر اعلی حکام سے مطالبہ کیا کہ وہ کراچی کے مختلف علاقوں میں پانی قلت کا نوٹس لیں اور عوام کو ریلیف فراہم کرنے مثبت اقدامات کیے جائیں انہوں نے کہا کہ عوام اپنے حقوق کے حصول اور آئندہ انے والی نسلوں کی روشن مستقبل کی خاطر 21, جولائی کے جلسے میں کیثر تعداد میں شرکت کرے۔