پاک سر زمین پارٹی کی نیشنل کونسل کی رکن آسیہ اسحاق نے کراچی کے مختلف علاقوں میں صفائی ستھرائی کی ابتر صورتحال پر گہری تشویش کا اظہار کیا ہے اپنے ایک بیان انہوں نے کہا کہ کراچی میں صفائی کی صورتحال انتہائی تشویش ناک ہے ہر طرف کچرے کے ڈھیر نظر آتے ہیں جس کی وجہ سے تمام شہریوں بالخصوص طلبہ کو شدید تکلیف کا سامنا کرنا پڑ رہا ہے۔ انہوں نے کہا کہ شہر کراچی پاکستان کا  تجارتی مرکز ہے لیکن صفائی کے ناقص انتظامات کے باعث کچرا کنڈی میں تبدیل ہوگیا ہے اور شہریوں کو ایسا محسوس ہورہا ہے کہ ان کا کوئی پرسان حال نہیں ہے۔ انہوں نے کہا کہ سندھ کے حکمران اپنا قبلہ درست کرلیں ورنہ عوام ان کا احتساب کرے گی، سندھ بھر کی عوام اب اپنے مسائل کے حل کے لیے سید مصطفٰی کمال اور پاک سر زمین پارٹی کے جھنڈے تلے جمع ہو رہے ہیں اورعوام اپنے حقوق کے حصول اور آئندہ آنے والی نسلوں کی روشن مستقبل کی خاطر 21جولائی 2019, کو باغ جناح کے جلسے میں بھرپور تعداد شرکت کرے