کراچی سے کشمیر تک ہر فرد کی ترقی اور خوشحالی چاہتے ہیںمصطفیٰ کمال

May 10, 2019

(پریس ریلیز) پاک سرزمین پارٹی نے جو 16 نکات پیش کیئے ہیں اس میں صرف کراچی یا سندھ کے مسائل کے حل کی بات نہیں کر رہے بلکہ یہ پورے پاکستان میں حقیقی مسائل کے حل کے لیے ناگزیر ہیں۔ کراچی سے کشمیر تک ہر فرد کی ترقی اور خوشحالی چاہتے ہیں تاکہ ایک پر امن اور خوشحال معاشرے کا قیام عمل میں آ سکے۔ ان خیالات کا اظہار پاک سرزمین پارٹی کے چیئرمین سید مصطفیٰ کمال نے پاکستان ہاؤس میں کراچی کے مختلف علاقوں سے آئے ہوئے وفود سے گفتگو کرتے ہوئے کیاانہوں نے کہا کہ پاکستان کے تین شہروں کراچی، لاہور اورفیصل آباد کوصوبے میں رہتے ہوئے انتظامی اور معاشی خود مختاری دی جائے،اگر کراچی کو انتظامی اور معاشی خود مختاری دے دی جائے، کراچی اکیلا اٹھ ہزار ارب روپے اکٹھا کر سکتا ہے یہ پاکستان کو معاشی بد حالی سے نکالنے کا واحد حل ہے اور سینٹ کی طرز پر تمام صوبوں کی قومی نشستوں کی تعداد بر ابر ہونے چاہیے تاکہ ہرصوبہ وفاقی حکومت میں اپنے حصہ کا رول ادا کرسکے جسے پاکستان کا مسئلہ حل ہوجائے گاانہوں نے کہا کہ ترقی کیلئے زبانی دعوؤں سے بڑھ کر عملی میدان میں اسلامی فلاحی ریاست کے بنیادی اصولوں پر عمل درآمد کرنا ہو گا جس کا تجربہ صرف اور صرف ہمیں ہے۔ اپنی سیاسی جدوجہد میں یوسی سے لے کر ملک کے سب سے بڑے ایوان سینیٹ کا بھی حصہ رہا ہوں اس لیے نچلی سطح پر عوامی مسائل کا ادراک اور اوپری سطح پر مسائل حل کرنے میں درپیش چیلنجز سے بخوبی واقف ہیں۔ موقع ملتے ہی پاکستان کو صحیح سمت میں گامزن کر دیں گے۔ عوام موجودہ حکومت کی کارکردگی سے مایوس ہو چکی ہے اور اب پاک سر زمین پارٹی کی جانب دیکھ رہی ہے۔