وزیراعظم پاکستان عمران خان کے اسلام آباد میں کچی آبادیوں کی جگہ اونچی عمارتیں بنانے کے اقدام کا خیر مقدم کرتے ہیں۔ ارشد وہرا، رہنما پاک سر زمین پارٹی

March 1, 2019

کچی آبادیوں کی جگہوں پر اونچی عمارتیں بنانے سے اس کے مکینوں کو مستقل رہائش نصیب ہوگی اور انہیں در بدر نہیں ہونا پڑے گا

پچھلے دس سالوں میں متعدد پلیٹ فارمز پر اور باقاعدہ خطوط کے ذریعے حکمرانوں کی توجہ کراچی میں قائم ہزاروں کچی آبادیوں پر مبذول کرانے کی کوشش کی ہے

انسانی ہمدردی کے تحت کراچی کے لوگوں کے لیے بھی یہی احکامات جاری کریں جو اسلام آباد کی کچی آبادیوں کے مکینوں کے لیے کیئے ہیں۔ وزیراعظم عمران خان سے مطالبہ

(پریس ریلیز) پاک سر زمین پارٹی کے رہنما ارشد وہرا نے وزیراعظم پاکستان عمران خان کے اسلام آباد میں کچی آبادیوں کی جگہ اونچی عمارتیں بنانے کے اقدام کا خیر مقدم کیا ہے۔ انہوں نے کہا کہ پچھلے دس سالوں میں متعدد پلیٹ فارمز پر اور باقاعدہ خطوط کے ذریعے حکمرانوں کی توجہ اس جانب مبذول کرانے کی کوشش کی کہ کراچی میں ہزاروں کی تعداد میں کچی آبادیاں قائم ہیں جن کی جگہوں پر اونچی عمارتیں بنانے سے شہر کے مسائل پر قابو پایا جا سکتا ہے۔ انہوں نے کہا کہ کچی آبادی میں بسنے والے لوگوں کو اس طرح مستقل رہائش نصیب ہوگی اور انہیں در بدر نہیں ہونا پڑے گا اور یہی مطالبہ پاک سر زمین پارٹی بھی پہلے روز سے کراچی میں قائم کچی آبادیوں اور گورنمنٹ کوارٹرز کے لیے کر رہی ہے جن میں لوگ تین تین نسلوں سے آباد ہیں اور اب حکومت کی جانب سے ان کے گھروں کے خلاف آپریشن پر سخت ذہنی اذیت کا شکار ہیں۔ انہوں نے وزیراعظم پاکستان عمران خان سے مطالبہ کیا کہ وہ انسانی ہمدردی کے تحت کراچی کے لوگوں کے لیے بھی وہی احکامات جاری کریں جو انہوں نے اسلام آباد کی کچی آبادیوں کے مکینوں کے لیے کیئے ہیں۔