ایم کیو ایم پاکستان کے رہنما اور، ڈپٹی میئر کراچی ارشد وہرا پاک سرزمین پارٹی میں شامل فاروق ستار اخلاقی جرات کا مظاہرہ کریں اور اراکین اسمبلی کے استعفے جمع کرائیں، انیس قائم خانی، صدر ،پی ایس پی اگر ایم کیو ایم پاکستان نے استعفے دیئے تو پہلی مرتبہ پاک سرزمین پارٹی ضمنی انتخابات میں بھرپور حصہ لے گی، انیس قائم خانی ہم نے کراچی کے لوگوں کے ساتھ کیے ہوئے وعدہ پورے نہیں کیے، ارشد وہرا ایک سال صبر کیا قیادت کو بھی کہا، اس سے زیادہ عوام کا سامنا نہیں کرسکتا تھا، ارشد وہرا

October 30, 2017

ایم کیو ایم پاکستان کے رہنما اور، ڈپٹی میئر کراچی ارشد وہرا پاک سرزمین پارٹی میں شامل
فاروق ستار اخلاقی جرات کا مظاہرہ کریں اور اراکین اسمبلی کے استعفے جمع کرائیں، انیس قائم خانی، صدر ،پی ایس پی
اگر ایم کیو ایم پاکستان نے استعفے دیئے تو پہلی مرتبہ پاک سرزمین پارٹی ضمنی انتخابات میں بھرپور حصہ لے گی، انیس قائم خانی
ہم نے کراچی کے لوگوں کے ساتھ کیے ہوئے وعدہ پورے نہیں کیے، ارشد وہرا
ایک سال صبر کیا قیادت کو بھی کہا، اس سے زیادہ عوام کا سامنا نہیں کرسکتا تھا، ارشد وہرا
ایم کیو ایم پاکستان کے رہنما اور، ڈپٹی میئر کراچی ارشد وہرا پاک سرزمین پارٹی میں شامل ہونے کا اعلان۔ یہ اعلان انہوں نے پاک سرزمین پارٹی کے صدر انیس قائم خانی کے ہمراہ پرہجوم پریس کانفرنس میں کر تے ہوئے کیا۔ اس مو قع۔۔ بھی موجود تھے۔پی ایس پی کے صدر انیس قائم خانی نے کہا کہ فاروق ستار نے کہا تھا اگر ہمارے کسی رکن کو پارٹی چھوڑنے پر مجبور کیا گیا تو تمام اراکین قومی و صوبائی اسمبلی اور سینیٹ سے اجتماعی استفعے دے دیں گے، اب وہ اخلاقی جرات کا مظاہرہ کریں اور اراکین اسمبلی کے استعفے جمع کرائیں۔انہوں نے کہاکہ اگر ایم کیو ایم پاکستان نے استعفے دیئے تو پہلی مرتبہ پاک سرزمین پارٹی ضمنی انتخابات میں بھرپور حصہ لے گی۔انہوں نے کہاکہ کہ ارشد وہرا کوپی ایس پی میں خوش آمدیدکہتاہوں، آج ایم کیو ایم پاکستان کی نظر میں ارشد وہرا برے لوگوں کی فہرست میں شامل ہوجائیں گے، ہم نے ایم کیوایم سے کہا ہے اپنے اچھے اور برے لوگوں کی لسٹ دیں، ابھی ایک بڑی لائن لگی ہوئی ہے۔ڈپٹی میئر کراچی ارشدوہرانے کہا کہ ہم نے کراچی کے لوگوں کے ساتھ کیے ہوئے وعدہ پورے نہیں کیے، کراچی کے عوام کوکچھ نہیں دیا، کم وسائل کے باوجود کام ہوسکتا ہے، ایک سال صبر کیا قیادت کو بھی کہا، اس سے زیادہ عوام کا سامنا نہیں کرسکتا تھا۔انہوں نے کہا کہ موجود وسائل میں بھی عوام کو کچھ نہ دے سکے، ذمہ داری پوری نہیں کرسکتے تو بہتر ہے ذمہ داری چھوڑدی جائے۔منی لانڈرنگ سے متعلق ایک سوال کے جواب میں انہوں نے کہا کہ میں ملک چھوڑ کر کہیں نہیں جاوں گا، ہر قسم کی تحقیقات کے لیے حاضر ہوں، مقدمے کا سامنا کروں گااورڈپٹی میئر شپ سے استعفے سے متعلق سوال پر انہوں نے کہا کہ جو قانونی طریقہ کار ہے وہی اختیار کیا جائے گا۔
مردم شماری کے حتمی اعلان، اعتراضات کا قانونی حل دیئے بغیر نئی حلقہ بندی مسترد کرتے ہیں۔انیس قائم خانی،صدر پی ایس پی
مردم شماری کے قانونی اور آئینی مراحل کی تکمیل کے بغیر نئی حلقہ بندی غیرقانونی وغیر آئینی ہے۔ انیس قائم خانیِ
صدر پاک سر زمین پارٹی انیس قائم خانی نے اپنے بیان میں ملک میں کی جانے والی چھٹی مردم شماری کے نتائج کو مسترد اور نئی حلقہ بندی کے عمل کو غیر قانونی وغیر آئینی قرار دیتے ہوے کہا کہ جب تک مردم شماری کے ابتدائی اعداد و شمار کی باقاعدہ جانچ اور بعد از مردم شماری تحقیق و تصدیق نہیں ہو جاتی۔ اس وقت تک ہم مردم شماری کے ابتدائی نتائج کو یکسر مسترد کرتے ہیں اور نئی حلقہ بندیوںdelimitation کو اس وقت تک آئینی اور قانونی طور پر شروع نہیں کیا جا سکتا جب تک باقاعدہ تصدیق شدہ مردم شماری کے اعداد و شمار سامنے نہیں آ جاتے۔ لہٰذا قبل از وقت نئی حلقہ بندیوں اور ایسے تمام اقدامات کی بھرپور مخالفت کی جائے گی۔