کراچی میں بارش سے تباہی پھیل گئی ہے پورا شہر تالاب کا منظر پیش کر رہا ہے۔ترجمان پاک سر زمین پارٹی عوام سخت تکلیف میں مبتلا ہے، صوبائی حکومت اور شہری انتظامیہ غفلت کی نیند سوئی ہوئی ہے عوام اپنی مدد آپ ریلیف کے کام کرنے پر مجبور ہیں بارش کے بعد صورتحال سے نمٹنے کیلئے کوئی انتظامات نہیں کئے گئے

September 1, 2017

کراچی میں بارش سے تباہی پھیل گئی ہے پورا شہر تالاب کا منظر پیش کر رہا ہے۔ترجمان پاک سر زمین پارٹی
عوام سخت تکلیف میں مبتلا ہے، صوبائی حکومت اور شہری انتظامیہ غفلت کی نیند سوئی ہوئی ہے
عوام اپنی مدد آپ ریلیف کے کام کرنے پر مجبور ہیں
بارش کے بعد صورتحال سے نمٹنے کیلئے کوئی انتظامات نہیں کئے گئے
شہر میں جگہ جگہ کھلے مین ہولز اور گڑھے شہریوں کے ساتھ حادث کا سبب بنتے رہے
کراچی کی یہ صورت حال بارشوں سے قبل برساتی نالوں کی بروقت صفائی نہ ہونے کی وجہ سے ہوئی ہے
بارش کے بعد کراچی کی صورتحال صوبائی و شہری انتظامیہ کی نااہلی اور ناکامی کا منہ بولتا ثبوت ہے
کراچی کے بیشتر علاقے زیرِ آب آچکے ہیں اور وہاں کے رہائشی ہنگامی بنیادوں پر انتظامی امداد کے منتظر ہیں
منتخب عوامی نمائندے ایک بار پھر عوام کا ساتھ دینے کے بجائے منظر عام سے غائب ہیں
نام نہاد عوامی نمائندے بارشیں ختم ہونے کے بعد شہر کے نمائشی دوروں کا سلسلہ شروع کر دیں گے
وفاقی اور سندھ کی صوبائی حکومت بارش کے متاثرین کے جانی و مالی نقصان کا ازالہ کرے
شہر قائد کے متاثرہ علاقوں میں رین ایمرجنسی کیمپس بنانے اور اسپتالوں میں ایمرجنسی نافذ کرنے کا مطالبہ

(پ ر) پاک سر زمین پارٹی کے ترجمان نے پاکستان ہاؤس سے جاری اپنے بیان میں کہا ہے کہ کراچی میں بارش سے تباہی پھیل گئی ہے پورا شہر تالاب کا منظر پیش کر رہا ہے، عوام سخت تکلیف میں مبتلا ہے، صوبائی حکومت اور شہری انتظامیہ غفلت کی نیند سوئی ہوئی ہے، عوام اپنی مدد آپ ریلیف کے کام کرنے پر مجبور ہیں، بارش کے بعد صورتحال سے نمٹنے کیلئے کوئی انتظامات نہیں کئے گئے، شہر میں جگہ جگہ کھلے مین ہولز اور گڑھے شہریوں کے ساتھ حادث کا سبب بنتے رہے جبکہ گاڑیاں گڑھوں میں پھنس گئیں. انہوں نے کہا کہ کراچی کی یہ صورت حال بارشوں سے قبل برساتی نالوں کی بروقت صفائی نہ ہونے کی وجہ سے ہوئی ہے، بارش کے پانی کے ساتھ پہلے سے جمع ہوا کچرا کیچڑ کی شکل اختیار کر گیا ہے جو عوام کے مسائل میں اضافہ کر رہا ہے، انہوں نے کہا کہ بارش کے بعد کراچی کی صورتحال صوبائی و شہری انتظامیہ کی نااہلی اور ناکامی کا منہ بولتا ثبوت ہے۔کراچی کے بیشتر علاقے زیرِ آب آچکے ہیں اور وہاں کے رہائشی ہنگامی بنیادوں پر انتظامی امداد کے منتظر ہیں جبکہ منتخب عوامی نمائندے ایک بار پھر عوام کا ساتھ دینے کے بجائے منظر عام سے غائب ہیں اور اب بارشیں ختم ہونے کے بعد شہر کے نمائشی دوروں کا سلسلہ شروع کر دیں گے. انہوں نے وفاقی اور سندھ کی صوبائی حکومت سے بارش کے متاثرین کے جانی و مالی نقصان کے ازالے، شہر قائد کے متاثرہ علاقوں میں رین ایمرجنسی کیمپس بنانے اور اسپتالوں میں ایمرجنسی نافذ کرنے کا مطالبہ کیا.