پاکستان ہاؤس میں پاک سر زمین پارٹی کے شعبہ خواتین کے کراچی ڈویژن کی15 رکنی کمیٹی کے ناموں کا اعلان

August 9, 2017

[fusion_text]

پاکستان کے قیام سے لے کر آج تک اس کی بقاء کے لئے اس قوم نے لاکھوں جانوں کا نذرانہ دیا ہے۔ سید مصطفی کمال
مادرِ ملّت محترمہ فاطمہ علی جناح سے لے کر آج تک خواتین کے کردار کو فراموش نہیں کیا جا سکتا
پاکستان ہاؤس میں پاک سر زمین پارٹی کے شعبہ خواتین کے کراچی ڈویژن کی15 رکنی کمیٹی کے ناموں کا اعلان
شعبہ خواتین کی کارکنان پارٹی کے پیغام کو گھر گھر پہنچا کر پاکستان کی ترقی کے مقصد کو مردوں کے شانہ بشانہ آگے لے کر جائیں گی 
سانحہ کوئٹہ کے ایک سال مکمل ہونے پر شہداء کے درجات کی بلندی اور لواحقین کے لئے صبر جمیل کی دعا

کراچی (پ ر) پاکستان کے قیام سے لے کر آج تک اس کی بقاء کے لئے اس قوم نے لاکھوں جانوں کا نذرانہ دیا ہے جس میں خواتین کی ایک بڑی تعداد موجود ہے ، پاکستان کی تعمیر و ترقی میں مادرِ ملّت محترمہ فاطمہ علی جناح سے لے کر آج تک خواتین کے کردار کو فراموش نہیں کیا جا سکتا۔ان خیالات کا اظہارسید مصطفی کمال نے پاکستان ہاؤس میں پارٹی صدر انیس قائم خانی، رکن سینٹرل ایکزیکٹو کمیٹی شاکر علی ، اراکین نیشنل کونسل آسیہ اسحاق اور صوفیہ سعید کے ہمراہ پاک سر زمین پارٹی کے شعبہ خواتین کے کراچی ڈویژن کی15 رکنی کمیٹی کے ناموں کا اعلان کرتے ہوئے کیا۔اس موقع پرانہوں نے یہ امید ظاہر کی کہ ہمیشہ کی طرح پاک سر زمین پارٹی کی شعبہ خواتین کی کارکنان پارٹی کے پیغام کو گھر گھر پہنچا کر پاکستان کی ترقی کے مقصد کو مردوں کے شانہ بشانہ آگے لے کر جائیں گی ۔ انہوں نے کہا کہ پاک سر زمین پارٹی ایک جسم کی مانند ہے اور ہر کارکن اس جسم کا حصہ ہے اور اگر ایکحصہ سہی کام نہیں کرے گا توپورا جسم متاثر ہوتا ہے ۔قبل اذیں انہوں نے سانحہ کوئٹہ کے ایک سال مکمل ہونے پر شہید ہونے والے وکلاء، شہریوں ، صحافیوں ، کیمرہ مینوں ، سول سوسائٹی کے نمائندوں اورقانون نافذ کرنے والے اداروں کے اہلکاروں کو خراج عقیدت پیش کرتے ہوئے ان کے درجات کی بلندی اور لواحقین کے لئے صبرِ جمیل کی دعا کی۔انہوں نے کہا کہ قوم کے شہداء کا لہو رائیگاں نہیں جانے دیں گے ، پاکستان کو ترقی یافتہ ممالک کی صف میں کھڑا کر کے تمام ملک دشمن عناصر کے عزائم خاک میں ملا دیں گے۔انہوں نے کہا کہ کوئٹہ کے سول ہسپتال میں دھماکہ ملک دشمن عناصر کی بزدلانہ سازش تھی ، ایسے حملے پاکستان کی سا لمیت کو متاثر کرنے اور دہشت گردی کے خلاف جاری جنگ میں قوم کے حوصلے پست نہیں کر سکتے۔

[/fusion_text]